Internazionalitari

Scozie: referendum su la autodeterminazion, consultazions viertis

2012-01-31T19:40:00.000+01:00

Ai 25 di Zenâr il prin ministri scozês Alex Salmond (Scottish National Party) al à presentât i elements di fonde leâts al referendum su la autodeterminazion de Scozie e al à inviât une consultazion, che si sierarà ai 11 di Mai, là che ducj i citadins a puedin dî la lôr sul document presentât. Dut câs, ancje il guvier britanic al à sclarît la sô posizion in proposit e al à inviât une consultazion

Finlande: presentadis lis racomandazions dal Consei de Europe

2012-01-31T19:37:00.001+01:00

Il Comitât dai ministris dal Consei de Europe al à presentât lis sôs racomandazions su rispiet des minorancis nazionâls in Finlande. Par chel al rivuarde i sami, lis autoritâts europeanis a invidin chês finlandesis a sotscrivi la convenzion internazionâl sui dirits dai popui natîfs e tribâi, a investî di plui sul insegnament de lenghe e a inviâ un dialic costrutîf cul Parlament sami par risolvi

Slovachie: sentence cuintri des “classis speciâls” pai rom

2012-01-31T19:35:00.000+01:00

Pe prime volte un tribunâl de Slovachie al à condanât tant che discriminatorie la creazion di “classis speciâls” pai fruts rom. Al centri de vicende judiziarie a son i fats capitâts inte scuele primarie dal paîs di Šarišske Michaľany là che i frutins rom a jerin metûts in classis separadis di chês dai frutins slovacs. I dirigjents de scuele a àn motivât cheste separazion cul fat che cussì si

Bretagne: il parê dal Consei Culturâl su la politiche linguistiche

2012-01-31T19:32:00.005+01:00

Il Consei Culturâl de Bretagne, organisim regjonâl incjariât di proponi gnovis azions e di esaminâ lis politichis metudis in vore intal cjamp de culture, al à cjapât posizion in mert al progjet di modifiche de politiche linguistiche pal breton imbastît dal Consei regjonâl breton. Un dai ponts critics segnalâts al è chel dal numar no suficient di professôrs formâts e la mancjance dal insegnament

Austrie: HSK al domande plui cravuat a scuele

2012-01-31T19:31:00.005+01:00

Il Congrès Mondiâl dai Cravuats (HSK) di Viene al à domandât aes autoritâts locâls di insegnâ il cravuat intes classis là che si à une presince significative di fruts che a rivin di cheste comunitât. Si stime che in Austrie a vivin uns 200 mil personis di divignince cravuate e che, di chestis, 40 mil a sedin a stâ a Viene. Une part di lôr e je presinte in Austrie di secui, ma tantis a son

Letonie: vie libare al referendum sul ricognossiment dal rus

2012-01-31T19:30:00.001+01:00

Intal Dicembar stât la Comission eletorâl centrâl de Letonie e veve convalidât cuasi 190 mil firmis fatis indenant par domandâ un referendum par dâi un status di uficialitât al rus. In dì di vuê, di fat, il 44% dai 2 milions di abitants de republiche baltiche a fevelin par rus, ma cheste lenghe no gjolt di nissune forme di ricognossiment e e ven calcolade di lenghe foreste. Chel istès il

Republiche Ceche: un partît gnûf par difindi i rom

2012-01-31T19:29:00.002+01:00

Inte Republiche Ceche si è dât dongje un partît gnûf che si propon di difindi i dirits e i interès dai rom e di dutis lis categoriis plui debulis de societât. Daûr de nassite di chest gnûf sogjet politic, batiât Partît de Paritât di Oportunitâts (SRP), a son i scuintris di stamp etnic che a àn segnât la regjon di Šluknov e che a àn fat sintî tra i rom la dibisugne di vê ancje lôr une

UE: nûf stâts riclamâts su lis politichis pai rom

2012-01-31T19:26:00.000+01:00

La Comission Europeane, par bocje de comissarie Viviane Reding, e à riclamât nûf dai stâts membris a presentâ i lôr plans di intervent pe integrazion dai rom. La scjadince par consegnâ i plans aes autoritâts europeanis e jere chê dai 31 di Dicembar dal 2011. A no vêlu fat a son Belgjiche, Bulgarie, Cipri, Irlande, Italie, Lituanie, Slovenie, Spagne e Svezie. Font: Focus Information Agency, 20/

Paîs Basc: scuelis baschis in dute la Navare, no dal Parlament

2012-01-31T19:24:00.001+01:00

La division de Navare in trê areis linguistiche, o sei bascofone, miste e no bascofone, no sarà cambiade. Cun di fat, la propueste di modifiche de leç su la lenghe basche (euskara) fate indenant dal partît Izquierda - Ezkerra (I - E) e je stade boçade cul vôt unitari dai socialiscj, de diestre spagnoliste dal Partît Popolâr e de diestre navare de UPN (Unión del Pueblo Navarro). La iniziative di

Irlande dal Nord: pal Consei de Europe la leç sul gaelic e va fate

2012-01-31T19:22:00.000+01:00

Il Comitât consultîf dal Consei de Europe che al viôt de metude in vore de convenzion cuadri su la protezion des minorancis nazionâls al à invidât lis autoritâts de Irlande dal Nord a fâ buine cence altris ritarts une leç pe promozion dal gaelic irlandês. Al è zaromai di agns che si spiete une leç pal irlandês, previodude ancje dai acuardis di pâs, ma i partîts unioniscj a van dilunc a pidimentâ

Irlande: associazions pe lenghe cuintri dal gnûf model di finanziament

2012-01-31T19:19:00.000+01:00

Cuntun comunicât unitari 19 des organizazions plui impuartantis impegnadis inte promozion dal gaelic irlandês a àn cjapât posizion cuintri dal gnûf model di distribuzion des risorsis fat indenant di Foras na Gaeilge, la agjenzie intergovernative che e regole lis politichis pe lenghe irlandese. La prime critiche e je leade al fat che il plan al è stât metût adun cence nancje sintî il parê dal

Cossovo: scuintris violents sui confins cu la Serbie

2012-01-31T19:16:00.001+01:00

Tor de metât di Zenâr cualchi centenâr di militants dal partît Vetevendosje (Autodeterminazion) si è scuintrât cu lis fuarcis di polizie cossovanis dongje de frontiere cu la Serbie, alì dal passaç di Merdare. I nazionaliscj cossovans a cirivin di blocâ lis marcjanziis che a rivavin de Serbie par rivendicâ la reciprocitât intai rapuarts economics tra i doi paîs. Intant dai scuintris a son stâts

Paîs Catalans: scuintri su la leç pe lenghe tes Baleârs

2012-01-31T19:10:00.000+01:00

E cres simpri di plui la oposizion cuintri de propueste di modificâ la leç di normalizazion linguistiche in vore intes Baleârs fate indenant dal esecutîf de Comunitât autonome des isulis. Il guvier vuidât di José Ramón Bauzá (Partît Popolâr) al ponte a cambiâ vot dai cuarante articui de leç che e ricognòs a ducj il dirit di cognossi e di doprâ il catalan, lenghe proprie des Baleârs. In

Albanie: impresonât un rapresentant de minorance greghe

2012-01-31T19:05:00.003+01:00

Un tribunâl albanês al à condanât a un an di preson Naum Disho, president de organizazion de minorance greghe Omonia. L’om al jere acusât di vê dissacrât des tombis intal simitieri di Boboshtica intant che al jere daûr a restaurâ un monument pai soldâts grêcs muarts vie pe seconde vuere mondiâl. Par Naum Disho la acuse e je false e la sô condane e je leade a motivazions politichis. La sentence e

Oms di memoreâ: Txillardegi

2012-01-21T19:22:00.000+01:00

José Luis Álvarez Enparantza, plui cognossût cul sorenon di Txillardegi, al è calcolât tant che une des personis che plui a àn segnât cu la lôr influence il nazionalisim basc e la culture basche vie pal secul XX. Nassût a Donostia ai 27 di Setembar dal 1929 al è muart, simpri ta cheste citât, ai 14 di Zenâr dal 2012. Scritôr e linguist, al à scrit chel che al ven tignût tant che prin romanç

Paîs Basc: mobilitazion cence precedents pai presonîrs politics

2012-01-18T19:59:00.006+01:00

Il teme dai presonîrs politics al devente simpri plui centrâl inte suaze dal dibatit politic e sociâl dal Paîs Basc. Daûr di dut chest a son sei la clime gnove puartade de fin de lote armade de bande di ETA, sei la mobilitazion coordenade di Egin Dezagun Bidea che ai 7 di Zenâr e à rivât a puartâ pes stradis di Bilbo / Bilbao almancul 110 mil personis par rivendicâ i dirits dai presonîrs bascs,

Scozie: referendum su la autodeterminazion, si discut su lis modalitâts

2012-01-18T19:59:00.000+01:00

Il referendum su la indipendence de Scozie si fasarà, ma no son pocjis lis cuistions che a restin di discrosâ e, ta chestis zornadis, il dibatiment in proposit si à tornât a piâ. Di une bande e je la posizion dal guvier scozês, vuidât di Alex Salmond che cul SNP al à otignût la maiorance assolude intes ultimis elezions, e di chê altre si à chê dai trê partîts contraris ae indipendence de Scozie,

Moldova: prime condane par ofesis razistis cuintri dai rom

2012-01-18T19:57:00.006+01:00

Inte republiche di Moldova un tribunâl al à condanât un ex alt funzionari dal guvier, Anatol Plugaru, par vie di declarazions sui rom che a son stadis judicadis di stamp razist. L’om al è stât condanât a scusâsi pes sôs afermazions e a fâlu inte stesse suaze là che lis veve fatis, ven a dî une conference stampe. E je la prime volte che in Moldova si condane cualchidun par ofesis cuintri dai

Slovens: prime cjarte bilengâl a Cividât

2012-01-18T19:56:00.001+01:00

Inte republiche taliane la leç statâl sui slovens e previôt za di agns la pussibilitât pai citadins di lenghe slovene che lu domandin di vê la cjarte di identitât bilengâl, pûr che a sedin residents intun dai Comuns che a son inte aree là che storichementri e je presinte, ancje se in forme minoritarie, la comunitât slovene. Dut câs in cierts Comuns de provincie di Udin, che pûr a son cjapâts

Republiche ceche: a cressin menacis e violencis di stamp raziâl

2012-01-18T19:54:00.000+01:00

E je simpri plui preocupazion pal aument dai episodis di violence e di intimidazion di stamp raziâl inte Republiche ceche. A jessi vitimis di chescj episodis a son dispès i rom. Il câs plui seri al è capitât pocjis setemanis indaûr a Praghe là che une femine rom e je stade sassinade di un grup di zovins di estreme diestre che a jerin za stâts responsabii di agressions e menacis cuintri di altris

Galizie: progjet radiofonic pai fevelants galizians gnûfs

2012-01-18T19:51:00.003+01:00

Ai 4 di Zenâr a son tacadis lis emissions di “Proxecto Neo”, un program radiofonic che al à tant che protagonistis lis personis che a àn imparât a fevelâ par galizian. Il progjet al è stât imbastît de sezion di inovazion educative dal istitût di studis superiôrs Perdouro e di Rádio Burela, e al va in onde inte suaze di Radiofusom, une programazion comune metude adun di disesiet emitentis

Gales: la Cymdeithas pronte a di un mudament radicâl

2012-01-18T19:47:00.003+01:00

Ai 13 di Fevrâr dal 1962 un intervent radiofonic dal poete Saunders Lewis al è stât il sburt che al à puartât ae nassite de Cymdeithas yr Iaith Gymraeg, la Societât pe Lenghe Galese, che cu lis sôs campagnis e je daûr de leç pal galês e di cetancj pas indenant fats de lenghe proprie dal Gales in chescj agns. Al è ancje in gracie des azions di cheste associazion che in dì di vuê il numar des

Irlande dal Nord: sucès pal ûs dal gaelic intai bus di Belfast Ovest

2012-01-18T19:45:00.005+01:00

Pe direzion de compagnie Translink, che e gjestìs lis liniis di bus inte aree ocidentâl di Belfast, l’ûs dal gaelic irlandês dongje dal inglês sui segnaladôrs des destinazions al è stât un sucès. La novitât e jere stade introdusude cuntun cost limitât vie pe Vierte dal an passât dopo di une prime consultazion dai citadins e cumò ducj i 250 bus in vore te aree di Bothar na bhFal / Falls Road a

Tatarstan: protestis in Russie, sburt par incressi l’autoguvier

2012-01-18T19:43:00.001+01:00

La Costituzion dal Tatarstan e ricognòs la sovranitât di cheste republiche dentri de Federazion russe e i da ai siei orghins di guvier ducj chei podês che no son delegâts in maniere esplicite a Mosche. I nivei di autoguvier di cheste republiche a podaressin però jessi cressûts ancjemò profitant des grandis mobilitazions popolârs che a interessin la Russie dopo des ultimis elezions politichis,

Abkhazie: pe prime volte i abkhazis a son maiorance

2012-01-18T19:40:00.000+01:00

Pe prime volte di un secul incà lis personis che si declarin di nazionalitât abkhaze a son maiorance assolude in Abkhazie, regjon che si è autoproclamade indipendente de Gjeorgjie sul finî dal 2008. La gnove e ven fûr dai dâts dal censiment uficiâl che si à tignût ta cheste republiche vie pal 2011 e che a son a pene stâts rindûts publics. Cun di fat, dai passe 240 mil abitants dal paîs, chei che

Di gnûf in vore

2012-01-17T19:13:00.002+01:00

Dopo di cuasi di un an e mieç di sospension, adun cun chê radiofoniche, e torne a partî ancje la version internet di Internazionalitari, il boletin di informazion par furlan su lis nazions cence stât e su lis comunitâts minorizadis de Europe. La decision di suspindi il program e il blog e jere stade cjapade par vie des dificoltâts finanziaris di Radio Onde Furlane dopo che la Regjon e veve azerât

La lodule e cjante inmò la sô cjançon di libertât

2011-05-05T00:11:00.009+02:00

Ai 5 di Mai dal 1981, daspò 66 zornadis di siopar de fam, al murive inte preson di Long Kesh, in Irlande dal Nord, Bobby Sands.Intal siopar a pierderin la vite altris nûf fantats, ducj volontaris dal Esercit Republican Irlandês (IRA) o dal Esercit di Liberazion Nazionâl Irlandês (INLA) tra i 24 e i 30 agns: Francis Hughes, Patsy O’Hara, Raymond McCreesh, Joe McDonnell, Martin Hurson, Kevin Lynch,

Paîs Catalans: presentâts doi gnûfs sogjets indipendentiscj

2010-08-04T12:59:00.002+02:00

Il panorame politic catalan al è in moviment daspò de sentence dal tribunâl costituzionâl spagnûl sul Statût di autonomie e de boçadure de bande dal Parlament catalan de leç di iniziative popolâr par inviâ un referendum su la indipendence. Tune conference stampe tignude ai 20 di Lui i deputâts catalans Uriel

Irlande: Long Kesh nol sarà sdrumât

2010-08-04T12:59:00.001+02:00

La ex preson di Long Kesh (The Maze pai britanics) e rapresente un lûc simbul de storie resinte de Irlande dal Nord, baste pensâ ai siopars de fam dal 1981 o ancje ae funzion impuartante che e à vût pal riscat de lenghe gaeliche. Zaromai di agns si fevelave di sdrumâle jù di plante fûr par lassâ puest a gnovis

France: preocupazion pes misuris cuintri dai rom

2010-08-04T12:58:00.001+02:00

La decision anticipade dal president francês Nicolas Sarkozy di disbratâ vie ducj i cjamps rom e di inviâ la espulsion massive dai rom rumens e bulgars e à jevât reazions preocupadis sedi dentri che fûr dal stât francês. Lis organizazions pai dirits umans e diviers partîts francês a àn za fevelât di iniziative

Irlande: polemiche intal Nord sui fonts pes scuelis gaelichis

2010-08-04T12:57:00.002+02:00

Un grup di parlamentârs unioniscj al à contestât la decision de ministre pe istruzion de Irlande dal Nord, Caitriona Ruane, di finanziâ cuatri gnovis scuelis là che la lenghe veicolâr e je il gaelic. Pai rapresentants unioniscj, di fat, chestis scuelis a ufrissin plui puescj di chei che a son domandâts e

Gales: pal Plaid Cymru il guvier britanic al penalize il galês

2010-08-04T12:57:00.001+02:00

Il Plaid Cymru al à domandât ai rapresentants dal guvier britanic, poiât di une coalizion tra Conservadôrs e Liberâi Democratics, dai sclariments in mert al progjet di taiâ di un cuart i fonts pe radiotelevision publiche in lenghe galese S4C. Un tai di cheste fate, al lamente il partît nazionalist galês, in

Paîs Basc: nuie multis pes aziendis che no rispietin i dirits linguistics

2010-08-04T12:56:00.000+02:00

L’esecutîf de Comunitât Autonome Basche, vuidât dal socialist Patxi López, al à fat savê che al cambiarà il decret sui dirits linguistics dai consumadôrs. In pratiche si gjavaran vie lis sanzions previodudis pes aziendis che no garantissin il rispiet dai dirits linguistics dai bascs. Dal moment che il procès

Sud Tirôl: e je vuere vierte su la toponomastiche

2010-08-04T12:55:00.000+02:00

Scuintri dûr jenfri il guvier talian e la Provincie autonome di Bolzan par vie de segnaletiche metude sù de AVS, o sei la associazion alpine sudtirolese, sui trois di mont dal Sud Tirôl. La plui part dai cartei e je dome par todesc e chest al à jevât lis protestis prime dai CAI e po des autoritâts talianis che

Cossovo: la Cort internazionâl di justizie e poie la indipendence

2010-08-04T12:53:00.000+02:00

La Cort internazionâl di justizie e à dite che la declarazion unilaterâl di indipendence dal Cossovo no va cuintri de legalitât internazionâl. La sentence e va a rispuindi ae risoluzion presentade de Serbie denant de ONU par domandâ che la Cort si pronunciàs su la legalitât de indipendence declarade dal

Kurdistan: il PKK al propon un acuardi pe fin de lote armade

2010-08-04T12:52:00.000+02:00

Il Partît dai Lavoradôrs dal Kurdistan (PKK) al à fat indenant une gnove propueste par bandonâ in maniere definitive la lote armade. In cambi de rinuncie ae violence, il PKK al domande al guvier turc di acetâ un fermait il fûc e di meti fin ai atacs cuintri dai civîi e ae repression in at cuintri des

Sardegne: evitât il tai dai fonts pe lenghe sarde

2010-08-04T12:51:00.000+02:00

E je lade a bon fin la proteste inmaneade cuintri dal tai des risorsis pe lenghe sarde che la aministrazion regjonâl e veve pensât di meti in vore. Sul imprin, la Zonte regjonâl e veve chê di smiezâ i fonts pe lenghe (che a rapresentavin l’un par cent des risorsis a disposizion dal assessorât pe culture).

Paîs Catalans: plui di un milion in place cuintri de boçadure dal Statût

2010-07-21T15:32:00.000+02:00

I efiets de sentence dal tribunâl costituzionâl sul gnûf Statût di autonomie de Catalogne, che e à declarât incostituzionâi 14 ponts dal Statût e a ‘nd à riviodûts al ribàs altris 27, no si son fats spietâ. Cun di fat, ai 10 di Lui plui di un milion di personis al à sfilât pes stradis di Barcelone par protestâ

Paîs Basc: miârs in place pe autodeterminazion e par Udalbiltza

2010-07-21T15:31:00.000+02:00

Passe dîs mil personis a àn manifestât ai 10 di Lui pes stradis di Donostia in rispueste al apel fat indenant di Eusko Alkartasuna, Alternatiba e de çampe indipendentiste basche. La iniziative e je stade inmaneade par rivendicâ il dirit di decidi di bessôi il lôr avignî e par pandi la proprie solidarietât ai

Gales: mozion di poie ae Catalogne dal Plaid Cymru

2010-07-21T15:30:00.000+02:00

Intal Ream Unît la solidarietât ai catalans daspò de boçadure dal Statût di autonomie de bande dal tribunâl costituzionâl spagnûl e à cjapât la forme di une mozion presentade intal Parlament britanic. A fâle indenant al è stât il deputât galês Hywel Williams dal Plaid Cymru. Intal test si ricognòs che la

Irlande: inmò violence intal Nord par vie des marcis oranzistis

2010-07-21T15:29:00.000+02:00

Ancjemò une volte il mês di Lui al è stât segnât di un aument de tension in Irlande dal Nord par vie des marcis oranzistis che a ricuardin la vitorie di Vielm III di Orange su Jacum II su la Boyne intal 1690. Tal inovâl di cheste bataie, di fat, i unioniscj a sfilin in diviersis localitâts de Irlande dal Nord

Bretagne: ricognossiment pe cualitât dal insegnament par breton

2010-07-21T15:28:00.000+02:00

L’istitût Diwan di Karaez-Plougêr / Carhaix-Plouguer al è otignût il secont puest inte classifiche des miôr scuelis secondariis dal stât francês che il cuotidian Le Figaro al da fûr ogni an. Il dât nol è di pôc se si pense che lis Diwan a son scuelis là che si dopre il sisteme di imersion linguistiche par

Danimarcje: preocupazion pes espulsions dai rom

2010-07-21T15:27:00.002+02:00

L’arest e la espulsion di 23 rom de bande des autoritâts danesis sul principi di Lui e à jevât la preocupazion di diviersis organizazions pai dirits umans. Cun di fat, daûr de decision no sarès une vere investigazion che e à puartât a incriminâ i rom par cualchi reât, ma dome la clime di intolerance stiçade

Gales: premi pes aziendis che a promovin il galês

2010-07-21T15:27:00.001+02:00

Tai ultins agns la Societât pe lenghe galese (Cymdeithas yr Iaith Gymraeg) si è impegnade une vore par denunciâ i compuartaments discriminatoris des grandis impresis cuintri dal ûs de lenghe galese. Cumò e à decidût di doprâ ancje une linie di azion positive cuntun premi pensât par chês aziendis che a judin la

Asturiis: la RTVE no rispiete l’asturian

2010-07-21T15:26:00.000+02:00

La associazion dai juriscj pal asturian e à denunciât denant de comission parlamentâr pai servizis radiotelevisîfs di Madrid il compuartament de cjadene televisive RTVE. Cun di fat la leç statâl su la radiotelevision dal 2006 e previôt che intes comunitâts autonomis al sedi garantît l’ûs des lenghis propriis

Scozie: presentât il plan dal guvier pal gaelic

2010-07-21T15:25:00.000+02:00

Il guvier scozês al à presentât il so plan cuincuenâl pal gaelic. L’intindiment dal plan al è chel di incressi la visibilitât de lenghe inte vite cuotidiane e di sburtâ la int a imparâ e a doprâ cheste lenghe. La ministre pal gaelic, Fiona Hyslop, e à spiegât che di cumò indenant cui che al scrivarà par gaelic

Corsiche: l’I-Phone al fevele ancje par cors

2010-07-21T15:24:00.000+02:00

Il prin di Lui la coletivitât teritoriâl corse e à presentât “parlu corsu” o sei une aplicazion par I-Phone che e ponte a judâ a imparâ in forme ludiche la lenghe corse. Il progjet al è stât svilupât in gracie de colaborazion cuntune imprese corse specializade in tecnologjie par telefonie celulâr. La

Paîs Basc: propueste par slargjâ la aleance indipendentiste

2010-07-06T13:04:00.002+02:00

Daspò che ai 20 di Jugn Eusko Alkartasuna e la çampe indipendentiste a àn metût lis fondis par un acuardi strategjic tra lis fuarcis indipendentistis baschis, i rapresentants dai doi sogjets politics a àn slargjât ancje a Aralar l’invît a partecipâ al progjet. Il coordenadôr di Aralar, Patxi Zabaleta, al à fat

Groenlande: sfrutament dal teritori al centri de adunance inuit

2010-07-06T13:04:00.001+02:00

Lis consecuencis dal sfrutament des risorsis minerariis e energjetichis sul ambient a son stadis al centri de diesime prime adunance dal Consei Circumpolâr Inuit che si è tignude a Nuuk, la capitâl de Groenlande. La plui part dai rapresentants inuit – che in plui de Groenlande a son rivâts dal Alaska, dal

Paîs Catalans: sburt al catalan de gnove leç sul cine

2010-07-06T13:03:00.002+02:00

Il Parlament catalan al à fate buine la gnove leç sul cine che e met suntun nivel paritari catalan e castilian. Il test al previôt che par ogni luncmetraç che al ven metût fûr in Catalogne lis cjasis di distribuzion a vedin di garantî metât des copiis sottituladis o dopleadis par catalan. Cun di plui il

Paîs Catalans: tribunâl costituzionâl cuintri dal Statût

2010-07-06T13:03:00.001+02:00

E sarà publicade ai 12 di Lui la version integrâl de sentence che il tribunâl costituzionâl spagnûl al à dât fûr ai 28 di Jugn in mert al gnûf Statût di autonomie de Catalogne. A son coventâts cuatri agns par rivâ a cheste sentence, cun di fat la cjarte di fonde de autonomie catalane e jere stade fate buine

Scozie: mancul scuelis, ma plui gaelic intes isulis ocidentâls

2010-07-06T13:02:00.002+02:00

Il Bòrd na Gàidhlig, l’organisim di riferiment pe lenghe gaeliche scozese, al à valutât in maniere positive il rapuart produsût dal guvier scozês su la educazion primarie par gaelic. Il document al fâs un cuadri de situazion e al segnale i problemis principâi di risolvi. In dì di vuê a son 127 i centris che a

Bretagne: unanimitât in Consei pe riunificazion bretone

2010-07-06T13:02:00.001+02:00

Ai 25 di Jugn il Consei regjonâl de Bretagne al à votât ae unanimitât une mozion a pro de riunificazion aministrative dal teritori storic breton. Cun di fat, in dì di vuê, il teritori de Loire Atlantiche, che di un pont di viste storic al à simpri fat part de Bretagne, si cjate fûr de regjon aministrative che

Corsiche: l’esecutîf al promet un ufici pe lenghe corse

2010-07-06T13:01:00.000+02:00

L’esecutîf cors al à fat savê che al è daûr a lavorâ par meti in pîts un ufici pe lenghe corse. La nassite di une struture dal gjenar e jere stade domandade, che nol è tant, ancje de associazion dai insegnants di lenghe e culture corse. La gnove e je stade cjapade in maniere positive ancje dal coletîf Parlemu

Paîs Catalans: catalan fin inte universitât ancje tal Aragon

2010-07-06T13:00:00.002+02:00

I assessôrs pe educazion de Catalogne e dal Aragon a àn sotscrit un protocol che al à chê di garantî la pussibilitât di svilupâ un percors scolastic par catalan de scuele de infanzie fin ae universitât. L’acuardi, che al durarà trê agns, al previôt la promozion dal insegnament dal e par catalan, il svilup di

Serbie: manifestazions violentis cuintri dai rom

2010-07-06T13:00:00.001+02:00

Dai 10 di Jugn indenant, intal paîs serp di Jabuka, si son svilupadis des manifestazions cuintri de comunitât rom che e vîf ta chel teritori. Des menacis si è passâts in curt ai atacs cuintri des proprietâts dai rom e ancje dai membris di cheste comunitât. Une cjase e je stade fiscade di plante fûr, doi fruts

Paîs Basc: consei dal euskara blocât dal guvier socialist

2010-07-06T12:59:00.000+02:00

Il president de Comunitât Autonome Basche, il socialist Patxi López, al à clamât dongje in Jugn il Consei pal euskara, o sei l’organisim che al à di coordenâ lis politichis di normalizazion linguistiche dal basc. E je la prime volte che al sucêt daspò che i socialiscj a àn cjapât in man il guvier de CAB, o sei

Paîs Basc: acuardi par une aleance indipendentiste

2010-06-22T12:47:00.002+02:00

Eusko Alkartasuna e la çampe indipendentiste a àn metût lis fondis par un acuardi strategjic tra lis fuarcis indipendentistis baschis. I rapresentants dai doi sogjets politics a àn declarât che il lôr obietîf al è chel di rivâ a creâ un stât basc indipendent, ma che cumò la prioritât e je chê dal superament

Paîs Catalans: catalan couficiâl a Perpignan

2010-06-22T12:47:00.001+02:00

Ai 15 di Jugn il comun di Perpignan (Perpinyà) al à fate buine la Cjarte municipâl pe lenghe catalane che e ricognòs la couficialitât di cheste lenghe, dongje dal francês, in dut il teritori comunâl. L’intindiment al è chel di tutelâ i dirits linguistics dai citadins e di promovi l’ûs de lenghe catalane inte

Slovachie: ongjarês decisîfs pal gnûf guvier

2010-06-22T12:46:00.000+02:00

Intes elezions dai 12 di Jugn cuasi il 35% dai slovacs al à dât il so vôt al partît socialdemocratic Smer che al à otignût 62 dai 150 puescj dal Parlament di Bratislava. Une vore divierse, invezit, la situazion par chei altris doi partîts che inte legjislature stade a formavin la coalizion di guvier. Cun di

Irlande: publicade la inchieste sul Bloody Sunday

2010-06-22T12:45:00.000+02:00

Chê dai 15 di Jugn e je stade une zornade storiche pe Irlande dal Nord cuant che a son stadis rindudis publichis lis conclusions de Comission Saville che e à puartât indenant une inchieste sul sassinament di 14 manifestants a Derry ai 30 di Zenâr dal 1972. Daspò di 38 agns, duncje, e ven pandude in maniere

Lusazie: a mancjin professôrs di lenghe serbiane

2010-06-22T12:44:00.000+02:00

E cres la preocupazion in Lusazie pe tignude dal sisteme di imersion linguistiche prescolâr serbian. Cun di fat, il numar di insegnants nol è avonde par cuvierzi lis dibisugnis dai 25 centris scolastics là che si dopre cheste lenghe. In dì di vuê a son 111 i insegnants in stât di davuelzi il lôr lavôr par

Belgjiche: sucès eletorâl pai indipendentiscj flamants

2010-06-22T12:42:00.001+02:00

Lis elezions politichis dai 13 di Jugn inte Belgjiche a àn lassât daûrsi une situazion ingredeade pe formazion dal gnûf guvier federâl dal paîs. Cun di fat, i indipendentiscj de Gnove Aleance Flamande (N-VA, Nieuw-Vlaamse Alliantie) a son stâts i plui votâts (17,4% dai vôts totâi e passe il 28% intes Flandris)

Gales: protestis pe nomine di un proretôr che nol fevele galês

2010-06-22T12:41:00.000+02:00

Sei la Societât pe lenghe galese (Cymdeithas yr Iaith Gymraeg) che l’Ufici pe lenghe galese (Bwrdd yr Iaith Gymraeg) a àn protestât pe sielte de Universitât di Bangor di nomenâ tant che proretôr il professôr John Hughes. La proteste e nas dal fat che Hughes nol fevele par galês. Pal Ufici pe lenghe galese

Kurdistan: il PKK al met fin ae tregue unilaterâl

2010-06-22T12:40:00.002+02:00

Il Partît dai Lavoradôrs dal Kurdistan (PKK) al à decidût di meti fin al fermait il fûc unilaterâl che al veve inviât plui di un an indaûr. I rapresentants de vuerilie curde a spieghin che cheste decision e diven de mancjance totâl di disponibilitât de bande dal guvier turc par rivâ a di une soluzion dialogade

Stât spagnûl: la regjon Castilie e León no difint l’asturian

2010-06-22T12:40:00.001+02:00

Cuatri associazions ativis inte provincie spagnole di León e Zamora a àn mandât une segnalazion ae segretarie dal Consei de Europe che e viôt de Cjarte europeane pes lenghis regjonâls o minoritariis par denunciâ la mancjance di intervents de bande de aministrazion regjonâl di Castilie e León par tutelâ e par

Paîs Catalans: sì dal Parlament ae iniziative popolâr pal referendum su la indipendence

2010-06-22T12:39:00.000+02:00

Il Parlament catalan al à dât il so parê positîf ae iniziative popolâr par davuelzi un referendum uficiâl su la indipendence in gracie dal vôt dai partîts nazionaliscj catalans (CiU, ERC e ICV-EUiA). Chest passaç al permet cumò ai promotôrs di inviâ une racuelte di firmis par che il Parlament si dedi dongje

Galizie: galizian ancje pe siencie, universitâts in cjamp

2010-06-22T12:38:00.002+02:00

La associazion dai insegnants di siencis de Galizie (Enciga), che e met adun passe 650 professôrs, e à dât fûr un document là che si critiche cun fuarce il decret sul ûs des lenghis inte scuele fat bon dal guvier galizian vuidât di Alberto Núñez Feijoo (PP). Cun di fat, il test al impon il castilian tant che

Albanie: si domande di ricognossi i arumens tant che minorance nazionâl

2010-06-22T12:37:00.000+02:00

Intant de sô visite uficiâl in Albanie, il president rumen Traian Basescu al à domandât al guvier di Tirane di ricognossi i arumens tant che minorance nazionâl. Nol è tant che la Albanie e à ricognossût chest status a grêcs, macedons e montenegrins, intant che i arumens a vegnin calcolâts dome di minorance

Serbie: elets i conseis des minorancis

2010-06-22T12:36:00.000+02:00

Ai 6 di Jugn si son davueltis in Serbie lis elezions pai Conseis nazionâi che a àn il compit di svilupâ lis politichis linguistichis e culturâls des lôr comunitâts di riferiment in setôrs impuartants tant che educazion e mieçs di comunicazion. Il vôt al à interessât 16 des 19 comunitâts nazionâls ricognossudis

Circassie: domandade al guvier rus une republiche autonome

2010-06-22T12:34:00.000+02:00

Za di cualchi mês la Caracie – Circassie, une des republichis caucasichis de Federazion Russe, e je scjassade di tensions etnichis jenfri caracis e circàs, che a son sù par jù l’11% de popolazion di chel teritori. Dal principi dal an a son za stâts sassinâts doi rapresentants di prin plan de comunitât circasse

Paîs Basc: par Esait si vûl “spagnolizâ” il sport basc

2010-06-08T12:51:00.003+02:00

Pe organizazion Esait, che si bat pal plen ricognossiment des selezions sportivis baschis, i socialiscj e i popolârs a vuelin spagnolizâ ancje il sport intal Paîs Basc. Daûr di cheste cjolte di posizion a son diviersis azions metudis in vore dal guvier basc che cumò al è intes mans dal partît socialist e, par

Corsiche: pai insegnants il cors nol pues jessi opzionâl

2010-06-08T12:51:00.001+02:00

Tune conference stampe che si è davuelte ai 2 di Jugn, i rapresentants de associazion dai professôrs di secont grât impegnâts intal insegnament de lenghe corse a àn domandât une revision dal sisteme di insegnament de lenghe proprie de isule. Se il cors al restarà une materie opzionâl di davuelzi fûr dal orari

Irlande: intal Nord confermât il bant dal gaelic de justizie

2010-06-08T12:50:00.001+02:00

Il tribunâl di apel di Béal Feirste / Belfast al à boçât il ricors presentât di un citadin di marilenghe irlandese che si veve viodût a refudâ la domande par une licence pe vendite temporanie di alcolics parcè che e jere stade scrite par gaelic. La autorizazion e jere stade refudade su la fonde di une leç dal

Sardegne: tes aministrativis e cres la presince indipendentiste

2010-06-08T12:49:00.002+02:00

Ai 30 e ai 31 di Mai in Sardegne si à votât par rignuvî lis vot aministrazions provinciâls e chês di diviers comuns de isule. In trê des provinciis sardis la vitorie e je lade ai candidâts dal centri çampe, in dôs a chei dal centri diestre. Par cognossi i vincidôrs di chês altris trê provinciis si varà invezit

Irlande: sisteme gnûf di finanziament pai progjets pal gaelic

2010-06-08T12:49:00.001+02:00

Ta chestis zornadis, Foras na Gaeilge, l’organisim di riferiment pal gaelic irlandês, al à presentât il gnûf sisteme di finanziament dai progjets pal svilup di cheste lenghe. Al jere zaromai di cualchi mês che si veve tacât a lavorâi parsore cu la poie dal Consei Ministeriâl Nord Sud, che al fâs di

Paîs Catalans: ancje Sabadell al à votât su la indipendence

2010-06-08T12:48:00.002+02:00

Ai 30 di Mai si à vût un gnûf apontament cu lis votazions popolârs su la indipendence de Catalogne. La consulte popolâr e à interessât la citât di Sabadell, la plui grande tra chês tocjadis fin cumò dal vôt. Suntune popolazion cun dirit di vôt di sù par jù 173 mil personis, a son stâts 23.870 chei che si son

Galizie: ricors cuintri dal decret sul “plurilinguisim” te scuele

2010-06-08T12:48:00.001+02:00

Il principâl sindacât dai insegnants galizians, CIG-Ensino, al à confermât il ricors al tribunâl superiôr di justizie de Galizie cuintri dal decret sul ûs des lenghis inte scuele fat bon dal guvier galizian vuidât di Alberto Núñez Feijoo (PP). Il cussì clamât “decret sul plurilinguisim”, che al jentrarà in

Gales: si slargje la domande di modificâ la leç sul galês

2010-06-08T12:47:00.000+02:00

E va indenant la mobilitazion de Cymdeithas yr Iaith Gymraeg par modificâ il test de gnove leç su la lenghe galese. Pe associazion, che di agns e je in prime linie inte bataie pai dirits linguistics dai galês, la misure e je masse debule, no garantìs ae lenghe un status uficiâl e no da rispueste al avignî de

Ocitanie: seconde edizion dal Premi Ostana pes scrituris in lenghe mari

2010-06-08T12:43:00.002+02:00

Ai 20 di Mai la organizazion Behatokia e à presentât il so rapuart anuâl su lis violazions dai dirits linguistics patidis dai citadins bascs. Vie pal 2009, a son stâts plui di 1.400 i câs denunciâts a Behatokia, ven a stâi un numar plui alt di chel che si veve vût i agns prime. Chest al diven sei dal fat che

Paîs Catalans: document dai gjornaliscj in difese dal Statût

2010-05-25T12:55:00.002+02:00

Al à non “Il dileme spagnûl” il document sotscrit di 62 gjornaliscj catalans par denunciâ lis menacis che a pesin su la autonomie de Catalogne. Si trate di une sorte di manifest, viert ancje a altris adesions, che al invide lis istituzions spagnolis a rispietâ la voie di autoguvier dai catalans. “Se lis

Paîs Catalans: il Parlament a pro dal ûs slargjât dal ocitan

2010-05-25T12:55:00.001+02:00

La comission culture dal Parlament catalan, cul vôt dai partîts nazionaliscj e di chei di çampe, e à fate buine une risoluzion di poie al ûs sociâl de lenghe ocitane in ducj i siei teritoris. Intal document si ricuarde che l’ocitan al è uficiâl in Catalogne bielzà dal 2006 e si pant il desideri che cheste

Galizie: fat bon tra lis protestis il decret sul ûs des lenghis

2010-05-25T12:54:00.000+02:00

Ai 20 di Mai il guvier galizian vuidât dal popolâr Alberto Núñez Feijoo al à fat bon il decret sul ûs des lenghis inte scuele che al jentrarà in vore cul prossim an scolastic. Il test al à cjatât la oposizion di dutis lis organizazions impegnadis pal galizian, ma ancje dai sindacâts e dai partîts politics de

Sami: novitâts de revision de costituzion svedese

2010-05-25T12:53:00.000+02:00

Il Parlament svedês al è daûr a lavorâ suntune revision de cjarte costituzionâl. Intal ultin stampon di revision i sami a vegnin citâts tant che popul e no plui tant che minorance etniche cemût che si podeve lei intes primis propuestis. Cheste definizion e varès di dâi plui fuarce ae comunitât sami svedese.

Paîs Catalans: al va dilunc a cressi l’indipendentisim

2010-05-25T12:52:00.002+02:00

Daûr di une inchieste publicade che al è pôc dal cuotidian La Vanguardia i catalans a pro de indipendence a son rivâts al 37% cuintri di un 41% che si declare contrari a cheste ipotesi. Il vantaç dai unioniscj sui indipendentiscj si à duncje sbassât al 4% cuant che intal Novembar dal 2008 al jere tor dal 14%.

Ladinie: une femine prin “procurador” dal Comun General de Fascia

2010-05-25T12:52:00.001+02:00

Ai 16 di Mai si son davueltis lis elezions aministrativis in passe 300 comuns dal Trentin e dal Sud Tirôl. Inte plui part dai comuns de provincie di Bolzan si à vût la vitorie di sindics poiâts de SVP. Chest partît al à ancje otignût cuatri sindics intai comuns ladins e si à mostrât fuart massime inte Val

Irlande: progjet par une aree gaeliche a Dublin

2010-05-25T12:51:00.002+02:00

La associazion irlandese Comhluadar, fondade intal 1993 par judâ lis fameis che a vuelin tirâ sù i lôr fruts par gaelic, e je daûr a cirî une aree abitative a Baile Átha Cliath / Dublin dulà meti adun une sorte di cuartîr là che il gaelic al sedi la lenghe di riferiment (Gaeltacht). Ancje cun chest fin, nol è

Paîs Basc: in miârs in place pe normalizazion dal euskara in Navare

2010-05-25T12:51:00.001+02:00

A jerin almancul 15 mil lis personis che ai 15 di Mai a àn sfilât pes stradis di Iruñea / Pamplona par rivendicâ il dirit a vivi ad in plen par basc. La manifestazion, la plui grande a pro dal euskara che si vedi davuelte in Navare, e je stade clamade dongje di Kontseilua, o sei il consei dai organisims sociâi

Paîs Catalans: il catalan al cres ancje tes fameis di lenghe castiliane

2010-05-25T12:50:00.000+02:00

Daûr des ultimis ricercjis sociolinguistichis davueltis de segretarie pai zovins e di chê pe politiche linguistiche dal guvier catalan a rivin dâts positîfs pe lenghe catalane. Di une bande si à un aument intal ûs dal catalan intes fameis zovinis che a àn tant che lenghe origjinarie il castilian. Intai ultins

Macedonie: proteste dai albanês inte capitâl

2010-05-25T12:49:00.000+02:00

A jerin sù par jù 2 mil i albanês che ai 10 di Mai a àn partecipât inte capitâl macedone a di une manifestazion inmaneade di diviersis associazions di cheste minorance. La iniziative e veve chê di invidâ il guvier a blocâ i proviodiments judicâts discriminatoris tai confronts de comunitât albanese e di domandâ

Asturiis: in place par domandâ la uficializazion dal asturian

2010-05-25T12:48:00.000+02:00

Miârs di personis a àn partecipât pes stradis di Uviéu / Oviedo ae manifestazion clamade dongje de Zonte pe difese de lenghe asturiane par rivendicâ la uficialitât di cheste lenghe. La iniziative e à cjatât la poie di associazions, sindacâts e partîts, fale socialiscj e popolârs che a son contraris a

Rom: Portugal denunciât aes autoritâts europeanis

2010-05-25T12:46:00.000+02:00

Il Comitât european pai dirits sociâi al à cjapade sù la denuncie fate indenant dal Centri european pai dirits dai rom (ERRC) cuintri dal Portugal par vie des politichis abitativis discriminatoriis che al metarès in vore tai confronts dai rom. La denuncie si poie su documents e testemoneancis tiradis sù intai

Ream Unît: Conservadôrs indenant, nazionaliscj avonde stabii

2010-05-11T12:59:00.001+02:00

Cuadri gjenerâl Intes elezions gjenerâls che si son davueltis ai 6 di Mai intal Ream Unît i Conservadôrs a son stâts i plui votâts, cul 36,1% des preferencis, ma no àn otignût avonde parlamentârs par podê guviernâ di bessôi. Cun di fat, par podê imbastî un guvier di maiorance a coventin almancul 326 deputâts,

Rom: denuncie dal ERRC pes espulsions dai cjamps

2010-05-11T12:58:00.000+02:00

Il Centri european pai dirits dai rom (ERRC) al à domandât al comissari pai dirits umans dal Consei de Europe, ae Agjenzie pai dirits fondamentâi de Union Europeane e a altris sogjets impegnâts ta chest setôr di cjapâ posizion su lis politichis metudis in at intal stât talian cuintri di rom e sinti. Al centri

Irlande: mobilitazion a pro des scuelis gaelichis

2010-05-11T12:57:00.002+02:00

Intai ultins vincj agns la domande di insegnament in lenghe gaeliche e je cressude une vore in Irlande e e je stade compagnade di un aument intal numar des scuelis che a doprin l’irlandês tant che lenghe veicolâr (gaelscoileanna), ma cumò lis organizazions impegnadis inte promozion di cheste lenghe a pandin la

Galizie: in vore la edizion 2010 di Correlingua

2010-05-11T12:57:00.001+02:00

E je tacade lunis ai 3 di Mai di Sant Jacum di Galizie (Santiago de Compostela) la edizion numar undis di Correlingua, la corse che e à chê di promovi e di rivendicâ l’ûs de lenghe galiziane. La manifestazion si sierarà vinars ai 14 di Mai a Verín, inte provincie di Monterrei. La prime tape de corse si è

Stât spagnûl: prin pas pal ûs in Senât di basc, catalan e galizian

2010-05-11T12:56:00.000+02:00

Il Senât spagnûl, cun 134 vôts a pro e 122 cuintri, al à decidût che al cjaparà in esam la propueste par modificâ il so regolament interni di maniere di permeti intant dai siei lavôrs ancje l’ûs dal basc, dal catalan e dal galizian. A fâ indenant la propueste al jere stât un grup trasversâl di 34 senatôrs (ERC

Paîs Catalans: catalan lenghe di acet pai imigrâts

2010-05-11T12:55:00.002+02:00

Il Parlament de Catalogne al à fate buine la leç sul acet des personis imigradis e dai emigrâts che a tornin in patrie. Il test al previôt la nassite di un Servizi di prin acet che al varà la incarghe di informâ cui che al rive dal forest su la lenghe catalane, sul marcjât dal lavôr, sui dirits e sui dovês di