A
van indenant lis iniziativis par domandâ la riunificazion dal
dipartiment de Loire Atlantiche cul rest de Bretagne storiche intune
regjon uniche, ma a compagnâlis dispès e je la rispueste repressive
des autoritâts francesis. Doi i câs sucedûts tes ultimis
setemanis.
Intant dal Festival Interceltic che si davuelç zaromai di agns a An Oriant / Lorient, une delegazion de organizazion Bretagne Réunie e à otignût dai organizadôrs de manifestazion il permès di partecipâ ae sfilade dai grups adun cu lis realtâts che a rivavin de aree di Naoned / Nantes par rivendicâ la partignince di chest dipartiment ae Bretagne. Sul prin tacâ de sfilade funzionaris di polizie ju àn però arestâts par vie che, secont lôr, no vevin dirit di partecipâ a di une manifestazion culturâl, ma a àn vût di liberâju dopo che i organizadôrs a àn spiegât che la lôr partecipazion e jere stade autorizade. Chel istès la delegazion di Bretagne Réunie no à rivât a finî la sfilade par vie che i stes funzionaris di polizie ju àn obleâts a bandonâ la manifestazion dopo che a vevin fat une part dal percors. A Blaen, invezit, il prefet al à ordenât ae aministrazion comunâl di gjavâ un cartel logât su la jentrade dal paîs là che si rivendicave il dirit de Loire Atlantiche di partignî a di une regjon unitarie cun chei altris cuatri dipartiments bretons. A autorizâ il cartel al jere stât il consei comunâl cuntun vôt maioritari. Intal ordin de prefeture no son stadis nancje motivadis lis resons par gjavâ il cartel.
Intant dal Festival Interceltic che si davuelç zaromai di agns a An Oriant / Lorient, une delegazion de organizazion Bretagne Réunie e à otignût dai organizadôrs de manifestazion il permès di partecipâ ae sfilade dai grups adun cu lis realtâts che a rivavin de aree di Naoned / Nantes par rivendicâ la partignince di chest dipartiment ae Bretagne. Sul prin tacâ de sfilade funzionaris di polizie ju àn però arestâts par vie che, secont lôr, no vevin dirit di partecipâ a di une manifestazion culturâl, ma a àn vût di liberâju dopo che i organizadôrs a àn spiegât che la lôr partecipazion e jere stade autorizade. Chel istès la delegazion di Bretagne Réunie no à rivât a finî la sfilade par vie che i stes funzionaris di polizie ju àn obleâts a bandonâ la manifestazion dopo che a vevin fat une part dal percors. A Blaen, invezit, il prefet al à ordenât ae aministrazion comunâl di gjavâ un cartel logât su la jentrade dal paîs là che si rivendicave il dirit de Loire Atlantiche di partignî a di une regjon unitarie cun chei altris cuatri dipartiments bretons. A autorizâ il cartel al jere stât il consei comunâl cuntun vôt maioritari. Intal ordin de prefeture no son stadis nancje motivadis lis resons par gjavâ il cartel.
Font:
Jornalet,
13/08/15
Nessun commento:
Posta un commento