Il
responsabil pe politiche linguistiche de Comunitât Autonome Basche,
Patxi Baztarrika, al è il gnûf president de Rêt europeane pe
Promozion de Diversitât Linguistiche (NPLD), incarghe che al tignarà
pai prossims trê agns. La presidence vicjarie de rêt formade di
guviers locâi e istituzions impegnâts inte valorizazion des lenghis
minorizadis e je lade invezit al frison Alex Riemersma. Tra lis
liniis di azion che Baztarrika al vûl sburtâ sot de sô presidence
o vin une colaborazion plui strente cu lis istituzions europeanis e
un aument de cognossince tra lis diviersis comunitâts minorizadis
ancje cul scambi di buinis pratichis.
Font:
NPLD,
12/06/15
Nessun commento:
Posta un commento