La
direzion de Assemblea Nacional Catalana
e à metût jù la sô propueste pal percors di svilupâ par rivâ a
di une Catalogne indipendente. Il test al sarà cumò stazât des
sezions locâls prime di jessi fat bon de assemblee plenarie vie pal
mês di Mai. I senaris pussibii che si vierzin a son doi, ven a dî
che lis prossimis elezions a vedin un valôr costituent e a deventin
une sorte di gnûf referendum su la indipendence, o pûr che si vedi
un intervent diret dal stât spagnûl in Catalogne sul plan juridic e
politic. In ogni câs, pe ANC, il prin pas al è chel di slargjâ la
maiorance sociâl a pro de indipendence, il secont al è di pontâ a
otignî une maiorance indipendentiste ancje tes elezions comunâls
che e deventi po la fonde par une Assemblee dai elets de Catalogne
che e puedi cjapâ in man il paîs intal câs che il guvier spagnûl
al blochi la Generalitat
(guvier catalan).
Lis elezions catalanis a varan po di jessi letis in clâf referendarie cui partîts sovraniscj identificâts di un percors comun pe indipendence di puartâ insom dentri di un an e mieç. Inte prime riunion dal Parlament catalan dopo dal vôt si varà di proclamâ la partence de costruzion di un gnûf stât sovran e imbastî une leç che e coventi tant che Costituzion provisorie. La ANC e domande po che tes elezions spagnolis i partîts indipendentiscj catalans si dedin dongje intun bloc unitari, intant che lis istituzions catalanis a varan di tacâ a davuelzi funzions di sovranitât plene. Cu la proclamazion di indipendence si varà di taiâ ducj i leams cul stât spagnûl, dimostrâ di jessi in stât di guviernâsi di bessôi e lavorâ pal ricognossiment internazionâl de Catalogne. Ultin passaç al varà di jessi chel di viodi se si pues rivâ a di une unitât di ducj i Paîs Catalans cun percors sovraniscj simii a chel svilupât in Catalogne.
Lis elezions catalanis a varan po di jessi letis in clâf referendarie cui partîts sovraniscj identificâts di un percors comun pe indipendence di puartâ insom dentri di un an e mieç. Inte prime riunion dal Parlament catalan dopo dal vôt si varà di proclamâ la partence de costruzion di un gnûf stât sovran e imbastî une leç che e coventi tant che Costituzion provisorie. La ANC e domande po che tes elezions spagnolis i partîts indipendentiscj catalans si dedin dongje intun bloc unitari, intant che lis istituzions catalanis a varan di tacâ a davuelzi funzions di sovranitât plene. Cu la proclamazion di indipendence si varà di taiâ ducj i leams cul stât spagnûl, dimostrâ di jessi in stât di guviernâsi di bessôi e lavorâ pal ricognossiment internazionâl de Catalogne. Ultin passaç al varà di jessi chel di viodi se si pues rivâ a di une unitât di ducj i Paîs Catalans cun percors sovraniscj simii a chel svilupât in Catalogne.
Font:
VilaWeb,
06/03/15
Nessun commento:
Posta un commento