Nol
sarà un referendum uficiâl pe indipendence, ma une consultazion
popolâr che i larà une vore dongje. Cheste la linie cjapade dal
esecutîf catalan dopo de sospensive dal tribunâl costituzionâl
spagnûl che i impedìs di inmaneâ la votazion in maniere normâl.
Ai 9 di Novembar si podarà duncje votâ in 938 dai 947 comuns che a
formin il principât di Catalogne, là che a saran a disposizion
6.430 cabinis eletorâls. A stâi daûr aes operazions di vôt a
saran i passe 30 mil volontaris che si son fats indenant ta chestis
setemanis, sot de supervision di plui di 6 mil funzionaris publics
che a àn aderît ae iniziative.
I citadins a varan di presentâsi alì de postazion di vôt che ur ven indicade e dopo vê verificât la lôr identitât e la lôr residence a podaran votâ. Par chei che a son a stâ intai nûf comuns cence urnis, a son a disposizion volontaris par compagnâju intes postazions di vôt plui vicinis. Chest sisteme di vôt al à jevât divisions avonde fuartis framieç dai partîts sovraniscj catalans che però, intes ultimis zornadis, a àn tornât a dâsi dongje ancje in gracie de domande di unitât rivade de gnove manifestazion popolâr clamade adun de Assemblea Nacional Catalana e dal Òmnium Cultural che ai 19 di Otubar a àn puartât in place a Barcelone passe 100 mil personis. Lis dôs organizazions che a son daûr a vuidâ la mobilitazion popolâr pe indipendence a àn ancje invidât il guvier catalan a clamâ dongje elezions anticipadis tal zîr di trê mês dopo de consultazion popolâr par doprâlis tant che gnove manifestazion de volontât di autodeterminazion de Catalogne. Ai 24 di Otubar partîts, organizazions di categorie, sindacâts e chês altris realtâts che a formin il Pat catalan pal dirit di decidi si son tornâts a cjatâ par cirî la strade par dâi plui fuarce pussibile al vôt dai 9 di Novembar. A Madrid intant, il guvier spagnûl al è daûr a viodi ce fâ par impedî ancje cheste forme alternative di consultazion.
I citadins a varan di presentâsi alì de postazion di vôt che ur ven indicade e dopo vê verificât la lôr identitât e la lôr residence a podaran votâ. Par chei che a son a stâ intai nûf comuns cence urnis, a son a disposizion volontaris par compagnâju intes postazions di vôt plui vicinis. Chest sisteme di vôt al à jevât divisions avonde fuartis framieç dai partîts sovraniscj catalans che però, intes ultimis zornadis, a àn tornât a dâsi dongje ancje in gracie de domande di unitât rivade de gnove manifestazion popolâr clamade adun de Assemblea Nacional Catalana e dal Òmnium Cultural che ai 19 di Otubar a àn puartât in place a Barcelone passe 100 mil personis. Lis dôs organizazions che a son daûr a vuidâ la mobilitazion popolâr pe indipendence a àn ancje invidât il guvier catalan a clamâ dongje elezions anticipadis tal zîr di trê mês dopo de consultazion popolâr par doprâlis tant che gnove manifestazion de volontât di autodeterminazion de Catalogne. Ai 24 di Otubar partîts, organizazions di categorie, sindacâts e chês altris realtâts che a formin il Pat catalan pal dirit di decidi si son tornâts a cjatâ par cirî la strade par dâi plui fuarce pussibile al vôt dai 9 di Novembar. A Madrid intant, il guvier spagnûl al è daûr a viodi ce fâ par impedî ancje cheste forme alternative di consultazion.
Font:
VilaWeb, 21-25/10/14;
El Punt Avui, 19-25/10/14
Nessun commento:
Posta un commento