Un
pôc par volte l’insegnament de lenghe basche al è daûr a cressi
ancje ta La Rioja, regjon spagnole a confin cu la provincie basche di
Araba. Cundut che l’euskara nol è lenghe proprie di chest teritori
al va dilunc a aumentâ il numar di personis che par resons di lavôr
o interès personâl a sielzin di imparâ il basc. In plui dai cors
za in vore intal istitût uficiâl di studis linguistics e inte
universitât popolâr di Logroño, a son stâts confermâts ancje i
cors di euskara inviâts l’an passât in forme sperimentâl inte
citât di Nájera là che al è cressût il numar di students che ju
frecuentin. A curâ chescj cors e je la associazion Laminiturri cul
jutori de organizazion basche HABE.
Font:
Noticias
de Álava,
04/10/14
Nessun commento:
Posta un commento